Siamajore est una bidda posta in s'àrea setentrionali de su Campidanu de Aristanis. Est caraterizada de un territòriu postu bastanti in su paris e chi produsit meda. Su frùmini Tirsu, in is sèculus, nd’at fatu unu logu arricu e profetosu gràtzias a s’abundàntzia de àcua, favoressendi po s’imprus sa produsioni de trigu e orxu. Lacanat a nord cun su comunu de Tzeddiani, a est cun su comunu de Sabarussa, a sud cun Silì e a ovest cun Màssama (custas duas funt borgadas de Aristanis). Su topònimu fortzis benit de "Sa bia majore", chi podit fai pentzai a sa bia chi a su tempus de is romanus portàt de Tharros a is termas de Fordongianus Forum Traiani. De interessu mannu est sa crèsia de Santu Costantinu Imperadori, chi s’afestat su 23 de abrili; ammostu de architetura tradu-baroca de su 1700.