S'amministradori istraordinàriu de sa Provìntzia de Aristanis, Massimo Torrente, pigat àteras mesuras ancora po amminguai s'emergèntzia epidemiològica. Cun su decretu firmau lunis 23 de martzu 2020, si disponit de serrai is ufìtzius de sa Provìntzia, est a nai ca est suspèndia s'atividadi de traballu in sa sea de s'Enti. Is servìtzius ant a èssiri assiguraus cun su smart working ( traballu de domu), chi immoi est unu òbrigu po totus is Amministratzionis Pùblicas, introdùsiu cun is decretus de su Presidenti de su Consìgiu, Giuseppe Conte.
At a èssiri garantida sa presèntzia de su personali feti po is servìtzius innui est netzessària sa presèntzia fìsica. Totu s'àteru at a èssiri fatu traballendi de domu.
CENTRALINU: 0783 7931
VIGILÀNTZIA: 0783 793207