Sa cultura a domu cun “MuseoOristano, Pinacoteca, Antiquarium arborense, Biblioteca, Archìviu stòricu e Sartìglia”
S 'oferta culturali de sa tzitadi de Aristanis sighit.
Fintzas in custu momentu aici difìtzili s' Assessoradu comunali a sa Cultura, cun s'agiudu de sa Fundatzioni Aristanis, imperat totus is istrumentus multimedialis chi tenit a dispositzioni po ammanniai e garantiri un'oferta sèmpiri prus ampra a su servìtziu de de is tzitadinus.
“Po cumbati s’emergèntzia Coronavirus e sighendi is ùrtimas diretivas de su guvernu, eus ativau diversus servìtzius de importu mannu, manigiaus fintzas cun piataforma de “smart-working” - narat s’Assessori a sa Cultura Massimiliano Sanna -. Is operadoris de “MuseoOristano, Pinacoteca Carlo Contini, Antiquarium arborense”, Biblioteca comunali, Archìviu stòricu e Tzentru de documentatzioni a pitzus de sa Sartìglia, sunt fadendi sa parti issora po assigurai unu agiudu, a is istudentes chi non podint frecuentai is letzionis in iscola e a is mannus chi po mori de is impìnnus de ònnia dì non si podint dedicai a sa connoscèntzia de sa tzitadi issora.
“Custas dis duncas ca tocat a marolla abarrai in domu, podint èssiri imperadas po connòsciri mellus Aristanis –sighit a nai s’Assessori Sanna -. Bastat unu computer, uno smartphone o unu tablet po scoberri sa stòria nosta, cussa de is monumentus e dei is personàgius. Po aprofundiri o scoberri cosas nobas chi pertocant Aristanis. Cun is istrumentus chi teneus oi, podeus fai meda. “
MuseoOristano – Ddu podeis agatai a s'indiritzu www.museooristano.it ; su situ giait sa possibilidadi de fai unu giru virtuali in sa tzitadi de Aristanis, abarrendi sètzius in domu e scoberrendi su valori de sa cultura, de is bellesas de su patrimòniu artìsticu nostu e de is museus. Su viàgiu virtuali cun novas, dudas, eventus e is mustras de sa Pinacoteca Comunali Carlo Contini sighit fintzas in sa fan page OristanoCulturaEventi, in sa pàgina ufitziali comunali de is initziativas culturalis e de is eventus in www.facebook.com/OristanoCulturaEventi/ , in sa fanpage Facebook de su situ MuseoOristano www.facebook.com/MuseoOR e su profilu Instagram www.instagram.com/museooristano / .
Museu Archeològico Antiquarium Arborense - Sa strùtura museali at abertu is gennas a mesu de sa fan page www.facebook.com/MuseoArcheologicoAntiquariumArborense/ e de su profilu Instagram www.instagram.com/antiquarium.arborense/ , contendi is istòrias de is repertus allogaus a intru, fintzas imperendi giogus alliongiaus a s’archeologia, ammostendi cun videus e fotografias is'arricu patrimòniu culturali de sa tzitadi.
Archìviu Stòricu Comunali -www.facebook.com/archiviostoricocomuneoristano est sa fanpage innui si podit abarrai in cuntatu cun sa stòria e sa memòria de Aristanis.
Sartìglia -Sa Sartìglia chi prus pagu de unu mesi at alligrau is istradas de su tzentru stòricu cun sonus e coloris de sa tradiztioni torrat a bivi a tot'annu in sa fan page Sa Sartìglia www.facebook.com/SaSartiglia/ e in Instagram www.instagram.com/sartiglia_oristano/ acumpangendi is abbisitadoris a intru de sinnus, figuras e stòria de sa Sartìglia e de is protagonistas suus. In su canali www.youtube.com/user/SartigliaTV/video est possìbili agatai cosas meda a pitzus de custa manifestatzioni.
Biblioteca comunali – Si podint pediri is lìburus e audiovisivus cun cunsènnia a domitzìliu. Si podit cuntatai sa Biblioteca comunali a is nùmerus 0783 73119 e 0783 791750 su martis, giòbia e sàbudu de is 8 a is 14, o mandai una mail a biblioteca.prestito@comune.oristano.it . Su catàlugu de is llìburus est disponìbili online in su situ www.biblioteca.oristano.it.
Po àteras informatzionis chi pertocant is atividadis culturalis si podit scriri a info@fondazioneoristano.it