Sa bidda de Mòguru est posta in su setori tzentru-ocidentali de s'ìsula sarda e si strantàxiat a una artesa mèdia de s 135 m s.l.m. Fait prus o mancu 5000 abitantis. Lacanat cun Masuddas a nord, cun Gonnotramatza e Collinas a est, cun Sàrdara a sud-est, cun Pabillonis a sud, cun Arcidanu a sud-ovest e cun Uras a ocidenti. Fait parti de una regione geogràfica connota cumenti a Parte Montis, a intru de su Giudicau de Arborea.
Su territòriu de Mòguru fait parti fintzas de su Parcu Geomineràriu Istòricu e Ambientali de sa Sardìnnia, reconnotu de s’U.N.E.S.C.O.
Mòguru est una de is biddas prus mannas de sa provìntzia. Sa massaria e s'allevamentu sunt is atividadis econòmicas de prus importu, sighidas de s'artisania tèssili, de sa linna e agrualimentari cun su setori vitivinìculu.
Is assòtzius cumenti a sa Pro Loco, "Premio Letterario Marmilla" e sa cumpàngia de Teatru Tragodia impari a àterus artistas bolint fai de Mòguru unu logu culturali e artìsticu po amparai e agiudai sa lìngua e sa cultura de sa Sardìnnia. E po custa punna chi nd'ant pesau s’anfiteatru comunali chi podit arriciri fintzas a 1500 persones e permitit de fai manifestatzionis mannas fintzas in Marmilla.