In sa costa tzentru-ocidentali de sa Sardìnnia s'agatat sa bidda de Crabas pernu da sa penìsula de su Sinis chi allogat monumentus secularis e una arrichesa naturalìstica manna fata de spiàgias incantadoras e stainis prenus de pisci.
Est su logu fatu a posta po una vacantza a s'insìnnia de natura e cultura. In is 30 chilòmetrus de costa ancà si incarat Crabas nascit s’àrea marina de sa penìsula de su Sinis, chi andat de Is Arenas a su gurfu de Aristanis e incluit s'isula de Malu Entu e s'illeta de su "Catalano". A faci podeus biri sa bellesa de is spiàgias fatas de cuartzu po mori de sa faina de bentu e àcua asuba de is arrocas de perda de carcina; non si podeis perdi sa meravìllia de is spiàgias de Is Arutas, Maimoni e Mari Ermi. Andendi faci a Is Arutas, si podit atobiai sa biddixedda de perda de Santu Sarbadori de Sinis. Is domus bàscias suas e àteras cosas ant fatu arribai registas de cìnema; podeus arregodai su film western ‘Giarrettiera colt’ (1968).
Crabas est fìntzas sa bidda de is Gigantis de Mont’e Prama, de s'edadi de su ferru, agataus in un àrea sepulcrali, e chi si podint biri in su "Civico" museu archeològicu de sa tzitadi e intregau a Giuanni Maròngiu. Chi andais a Crabas non podeis mancai de abbisitai sa tzitadi antiga de Tharros, fundada de is fenìcius in su de VIII sec. a.C.
In Crabas podeis abbisitai fìntzas is pischeras chi giaint pisci bellu e friscu cumenti a su mugheddu e de innoi ndi arribat sa butàriga fata de is ous suus.