Ita est su coronavirus?

Is "coronavirus" sunt virus a RNA chi in s'òmini e a bortas fintzas in is animalis, ocasionant infètzionis respiratòrias giai sèmpiri de pagu contu. Impari a is rhinovirus, e a àterus virus sunt responsàblis de s'arrasfriu e de s'arramadinu.
Candu infetant s'òmini ocasionant dabori de gùturu, tussi, dabori de conca e callentura.
Sunt spainaus meda in sa populatzioni umana e sceti pagu bortas scidant pensamentus mannus.

Segundu una circa is coronavirus sunt responsàbilis de su 10-15% de is arrasfrius de totu sa populatzioni.

Podit èssiri ca meda de nosu in sa vida apant tentu una infètzioni de coronavirus chena ddu sciri. Su coronavirus in sa populatzioni umana si trasmitit prusatotu in duas maneras:

1. annasendi stìddius bogaus de is chi tenint su virus, candu chistionant, sturridant, tussint.

2. tochendi cun is manus cosa de papai e àteras cosas, impestadas. 

A is chi si pigant s'infetzioni de su coronavirus, ma sunt sanus is dotoris arrecumandant de abarrai a reposu fintzas a candu non sparessint is sìntomus, de bufai meda, de pigai mexina po su dabori de gùturu e sa callentura.

Est fintzas beru ca a bortas custus virus podint ocasionai maladias prus sèrias cumenti sa MERS e sa SARS. 

Su Coronavirus chi intendeus meda meda in custa diis , connotu cumenti a COVID-19 podit giai cumenti a is àterus virus sìntomus lèbius o prus gravis. Tocat a tenni prudèntzia ma non tocat a si disisperai. Si sanat in su 80% de is casus cumenti chi si siat passada una influèntzia che is àteras.