Su 21 de friaxu s'afestat sa Dii Internatzionali de sa Lìngua Mama, una dii stabilida de s’UNESCO in su 1999, po ndi fai cumprendi s'importàntzia. Custa dii serbit po fai pensai e arraxionai a suba de s'imperu de sa lìngua mama nosta e ca sa diferèntzia linguìstica e culturali est de amparai e promovi. In custa dii s'arregordat candu su 21 de friaxu de su 1952 unus cantu studentis bengalesus de s’Universidadi de Dacca iant pediu s'arriconnoscimentu de su bengalesu cumenti a lìngua ufitziali e cumenti a sceda sa politzia ddus iat bocius.