AVISU PO FAI SU CURSU DE PROMOTZIONI CULTURALI E LINGUÌSTICA POSTU IN CONTU IN SU
PROGETU ''LIMBA SARDA, LIMBA DE S'IDENTIDADE, LIMBA DE SU MUNDU" . L.482/1999 –ANNUALIDADI
2017.
S’Isportellu Limba Sarda de sa Provìntzia de Aristanis, cuncordat cunforma a su progetu “Limba Sarda, limba
de s’identidade, limba de su mundu” unu cursu de promotzioni culturali e linguìstica spartziu in tres
mòdulus:
1. Cursu de alfabetizatzioni po tzitadinus - 21 oras;
2. Cursu de alfabetizatzioni po operadoris de su setori turìsticu (meris e gestoris de posadas,
tratorias, ristorantis, B&B, ghias turìsticas e musealis, etc.) - 12 oras;
3. Cursu de sensibilizatzioni a s'educatzioni linguìstica po genitoris de is minoris - 9 oras.
Is cursus de alfabetizatzioni sunt deretus a favoressi e afortiai su manìgiu de sa lìngua sarda cun su stùdiu,
s’aprofundimentu de sa grammàtica e de is règulas ortogràficas de su sardu, de is esertzìtzius de scritura e
letura.
Su cursu po is genitoris bolit a ddus sensibilizai e spronai a s'importàntzia de s’imperu fitianu e
cussenti de sa lìngua sarda cun is fìllus issoru.
Su calendàriu cun is logus, datas e oràrius de is atòbius s’at a comunicai in fatu a àiri arriciu is adesionis.
Is cursus s’ant a fai in is Comunus cun su nùmeru prus artu de iscritus, in is mesis de martzu e abrili e si
mai in su mesi de maju.
Po partetzipai a su cursu tocat a compilai sa scheda de adesioni, e a dda mandai a custu
indiritzu mail: ufficiolinguasarda@provincia.or.it intro e sena de sartare su 27 friarxu de su 2020 intru de h. 12.00.
Aristanis, 18/02/2020
Ufìtziu Lingua Sarda Provìntzia de Aristanis
